Një aksident i rëndë ka ndodhur mbrëmjen e sotme në autostradën Lezhë-Shkodër.
Raportohet se një kamion është përplasur me një motor, duke shkaktuar vdekjen e drejtuesit të motomjetit.
Drejtuesi i motorit ndërroi jetë në spital, pasi nuk mundi dot t'u mbijetonte plagëve të marra.
Ngjarja ka ndodhur në afërsi të kryqëzimit të Dajçit, ndërkohë viktima është identifikuar si 51-vjeçari Arben Tanushi.
Policia ka nisur hetimet për zbardhjen e plotë të shkaqeve dhe rrethanave të aksidentit.
Njoftimi paraprak i policisë:
Rreth orës 20:50, në aksin rrugor Lezhë – Mabe, në zonën e Dajçit, një automjet tip “Kamion”, i drejtuar nga shtetasi K. Z., 28 vjeç, është përplasur me një motomjet me drejtues shtetasin A.T, 51 vjeç.
Si pasojë e aksidentit, drejtuesi i motomjetit ka ndërruar jetë në spital.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
Ndërsa drejtuesi i kamionit është shoqëruar në Komisariat për veprime të mëtejshme procedurale.
