Prej disa ditësh qytetarët e Shijakut zgjohen dhe flenë mes një masakre mjedisore.
Shumë banorë akuzojnë kryetarin e bashkisë së Shijakut, Elton Arbana se mbledh mbeturinat e qytetit me kamionë dhe i dërgon në fshatra për t’i djegur për shkak të mungesës së një vendi të përshtatshëm për grumbullimin e tyre.
Ata thonë se shpesh mbeturinat digjen natën, duke krijuar një situatë të rëndë për banorët që vuajnë nga ndotja dhe era e fortë e tymit.
Ndërkohë prania e fabrikave në këtë zonë e çon ndotjen e ajrit në nivele më alarmante.
Banorét kërkojnë ndërhyrje të menjëhershme nga autoritetet për të ndaluar këtë masakër mjedisore.
Kjo është një situatë që kërkon vëmendjen e menjëhershme nga autoritetet lokale dhe qendrore për të garantuar kushte të sigurta dhe të shëndetshme për qytetarët e Shijakut.
