Lajm i mirë! 80-vjeçari Nusret Shuapi, i cili ishte shpallur i humbur pasditen e sotme, është gjetur dhe është kthyer i sigurt pranë familjes.
Pas publikimit të apelit në JOQ Albania, një qytetar që kishte parë lajmin kontaktoi familjarët dhe i informoi për vendndodhjen e të moshuarit. Ai u gjet i ulur në një stol, duke pushuar.
“Ishte i ulur në një stol po pushonte. Më telefonoi një djalë pasi kishte parë njoftimin te ju. Tani e solla në shtëpi,” tha nipi i tij për JOQ Albania.
Falë ndërgjegjësimit dhe solidaritetit të qytetarëve, kjo histori pati një fund të lumtur.
