Është identifikuar dhe arrestuar drejtuesi i automjetit që përplasi për vdekje 2-vjeçarin në Kamëz.
Bëhet fjalë për qytetarin me inicialet Y.M 57-vjeç, i cili u vu në pranga 2 orë pas ngjarjes së rëndë.
Sipas të dhënave, fëmija u përplas pranë banesës së tij në Fushë Domje, kurse shoferi u largua nga vendngjarja.
Rreth orës 17:30, familjarët dërguan të miturin në Spitalin e Traumës. Dyvjeçari nuk arriti të mbijetonte për shkak të plagëve të marra.
Ndërkohë grupi hetimor po punon për sqarimin e plotë e rrethanave të ngjarjes.
