Një operacion i madh policor është duke u zhvilluar në Mannheim pas një incidenti të rëndë që ndodhi gjatë festimeve të karnavaleve në qendër të qytetit. Gjatë paradës, një person ka hyrë me makinë dhe është përplasur me një grup të madh njerëzish.
Dëshmitarët okularë raportuan se një person kishte humbur jetën dhe ishte mbuluar, ndërsa disa të tjerë ishin plagosur. Policia e konfirmoi më vonë vdekjen e njërit nga të përplasurit. Pavarësisht hetimeve të shpejta, ende nuk dihet kush ka qenë shoferi i mjetit dhe motivet e këtij sulmi.
Ngjarja ka ndodhur në sheshin qendror të qytetit, ku po mbahej parada tradicionale e karnavaleve të së hënës, një ngjarje shumë e vizituar nga qytetarët. Policia ka nisur hetimet dhe ka bërë thirrje që qytetarët të shmangin zonën e ngjarjes, ndërkohë që operacioni për gjetjen e sulmuesit vazhdon.
