Një 15-vjeçar është vënë në pranga nga policia në Mirditë, pasi u kap duke transportuar armë dhe municion luftarak.
15-vjeçari me iniciale E.S, banues në Burrel, u kap teksa po transportonte 3 granata, 1 armë zjarri tip kallashnikov dhe municion luftarak, në afërsi të fshatit Fang.
Pas arrestimit të tij, policia ka sekuestruar granatat dhe armën e gjetur.
Prokuroria e Lezhës ka nisur hetimet për të zbardhur qëllimin e transportimit të këtyre sendeve nga ana e 15-vjeçarit dhe për të identifikuar shtetasit e tjerë që mund të jenë të përfshirë në këtë rast.
