Gjendja e tre prej pesë personave të plagosur nga aksidenti i rëndë në aksin "Elbasan-Peqin" është rënduar, dhe ata janë dërguar në Spitalin e Traumës për ndërhyrje të specializuar.
Aksident tragjik ndodhi ditën e djeshme, kur një mjet tip “Benz” u përplas me një furgon pasagjeresh për shkak të lagështisë në rrugë dhe shpejtësisë së lartë të mjeteve.
Në total, 5 persona mbetën të plagosur, ndërsa 9 të tjerë pësuan dëmtime të lehta. Ndërkohë, nga ky aksident humbën jetën një nënë dhe djali i saj, që ndodheshin në mjetin tip “Benz”.
Ky aksident ka tronditur komunitetin dhe ka ngritur shqetësime lidhur me kushtet e sigurisë në rrugë, veçanërisht në kushtet e motit të keq. Policia dhe autoritetet përkatëse po hetojnë për shkaqet e aksidentit.
