Rritja e çmimit të energjisë – pasojat për bizneset prodhues dhe qytetarët në Kosovë

Shkruar nga: B Hasi | Publikuar më: 03.03.2025, 09:07

Përfaqësues të bizneseve dhe njohës të çështjeve të ekonomisë, thanë se nëse do të ketë një rritje tjetër të çmimit të energjisë elektrike prej 30 deri në 35% siç edhe është paralajmëruar, më së shumti do të pësojnë bizneset prodhuese në Kosovë e rrjedhimisht edhe qytetarët të cilët përveç se do të paguajnë energjinë elektrike më shtrenjtë ata do të kenë edhe produkte më të shtrenjta, përfshirë ato esenciale siç është buka.

Kryetari i Dhomës së Tregtisë, Skënder Krasniqi, thotë se nga shtrenjtimi i energjisë elektrike, që pritet të ndodhë në muajin prill më së shumti do ta pësojnë bizneset prodhuese të cilat e kanë të pamundur që të operojnë dhe të mos i rrisin çmimet e produkteve të tyre.

“Nëse rritet çmimi i energjisë atëherë qysh ka me i ba konkurrencë prodhuesi vendor importit”, tha Krasniqi.

Në fund të fundit, Krasniqi, shton se Qeveria e Kosovës ka në dorë që ta shtrenjëtojë ose jo energjinë elektrike.

“Po qeveria ka përfaqësuesit e vet në ZRRE dhe ajo mund të marr vendim që të mos rritet çmimi i energjisë të dëgjoj zërin tonë”, tha ai për rtv21.

Njohësi i çështjeve të ekonomisë, Lekë Musa, thotë se marr parasysh se ekonomitë familjare në Kosovë janë duke shpenzuar më shumë energji për ngrohje, çdo rritje e çmimit të saj do të godasë direkt xhepin e tyre.

“Nëse në nxehemi me klima zgjidhja për problemin e energjisë nuk do duhej të ishte shtrenjtimi i saj por përmirësimi i kapaciteteve prodhuesve”, tha Musa.

Ndryshe që nga viti 2021, Kosova ka blerë energji elektrike mbi 500 milionë euro, ndërkohë që qytetarët stepur nga faturat e larta dhe të papërballueshme të energjisë elektrike edhe para se operatorët eneregjitkë të publikonin kërkesat për shtrenjëtim të energjië elektrike deri në 35%.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit