Një 35-vjeçar shqiptar është arrestuar në Itali për prodhim dhe shpërndarje të lëndëve narkotike, në bashkëpunim me një 24-vjeçar, po ashtu shqiptar. Ata u kapën nga policia në zonën e Vairano Scalo, ku droga fshihej mes pemëve me lajthi. Gjatë kontrollit, në makinën me qira të drejtuar nga i riu u gjetën 1710 euro cash, ndërsa në tokat pranë u sekuestrua një kavanoz me 56 doza kokainë, me peshë totale 100 gramë.
Ndërkohë, 35-vjeçari është arrestuar, ndërsa 24-vjeçari po procedohet në gjendje të lirë. Autoritetet italiane po vijojnë hetimet për të zbardhur të gjithë rrjetin dhe mënyrën e funksionimit të trafikut të drogës në këtë zonë.
