Muaji i shenjtë e Ramazanit ka nisur sot për besimtarët shqiptarë dhe të të gjithë botën me agjërimin tradicional nga lindja deri në perëndim të diellit.
Por megjithëse aktiviteti i privimit nga ushqimi e uji bëhet në nxitje të reflektimit, durimit, dhembshurisë e afrimit me dashurinë e Zotit, agjërimi është përdorur gjithashtu prej kohëve të lashta si një mjet shërimi e stabilizimi të metabolizmit të trupit, shkruan rrjeti Healthline.com
Tashmë shumë studime moderne konfirmojnë se agjërimi në forma ose periudha kohore të ndryshme, përmirëson kontrollin e sheqerit në gjak, që është një ndihmë serioze për diabetiket.
Një studim i vitit 2023 mbi 209 subjekte zbuloi se agjërimi në periudha relative për 3 ditë në javë uli rrezikun e diabetit tip 2, duke rritur nivelin e ndjeshmërisë ndaj insulinës, çka përmirëson transportin e glulozës nga gjaku në qelizat e trupit.
Kjo së bashku me uljen e sheqerit të marrë nga trupi gjatë agjërimit, ndihmon në zhdukjen e nevojës për sheqer dhe stabilizimin e niveleve të lëndës së dëmshme në gjakun e njeriut.
Një tjetër studim i vitit i vitit 2022 tregon se agjërimi në periudha të ndryshme, me ose pa ujë, reduktonte rrezikun e çdo sëmundjeje metabolike, siç janë gjendjet kronike të diabetit, sëmundjeve kardiovaskulare dhe ishemitë.
Agjërimi përmirëson shëndetin e njeriut duke eliminuar inflamacionet, të cilat janë procesi natyral i trupit për t’u mbrojtur nga infeksionet, por nëse ndodhin shpesh dëmtojnë shëndetin.
Studiuesit thonë se inflamacionet janë shkaku i sëmundjeve kronike si ato të zemrës, artriti dhe kanceri, ndërsa agjërimi redukton nivelet e inflamacionit me anë të reduktimit të proteinës se njohur si C-reactive.
Biologu Yoshinori Ohsumi ka marrë çmimin Nobel në 2016 për zbulimin e procesit trupor të njohur si “autofagia”, e cila nis pas rreth 24 orë agjërimi, kur trupi i njeriu automatikisht pastron, ha ose eliminon çdo qelizë të dobët, të sëmurë ose më pak të nevojshme, prej mungesës së ushqyesve nga jashtë.
Yoshinori Ohsumi ka marrë çmimin Nobel në 2016 për zbulimin e procesit të njohur si “autofagia”
Stresimi nga mungesa e ushqyesve të jashtëm nuk konsiderohet diçka negative pasi kjo në fakt risjell në aktivitet gjëndrat e shumta të trupit që shpesherë bllokohen ose mbyten nga ushqimi i tepërt.
Agjërimi është një nxitës i përkryer për riaktivizimin e gjëndrave të hormonit të rritjes, të tiroideve, të shpretkës, pankreasit dhe atyre te kokës, duke krijuar një metabolizën natyral në ambjentin trupor dhe rrjedhimisht shërim të sëmundjeve.
Një studim i vitit 2021 analizoi efektet e agjërimit në mjedisin e zorrëve dhe aparatit tretës të njeriut, ku u zbulua rritje e diversitetit të komunitetit të bakterieve tretëse, përfshi edhe speciet Christensenella, që lidhen me jetëgjatësinë e njeriut.
Studiuesit panë gjithashtu rritje të ‘sirtuinës’, proteina e lidhur me riparimin metabolik dhe gjithashtu e lidhur me jetëgjatësinë.
Studime të ngjashme te kafshët kanë zbuluar rezultate të ngjashme, çka do të thotë se dhimbja në dukje e mungesës së ushqimit, aktivizon në fakt të tjera mjete të panjohura të trupit të shkëlqyeshëm për të kompensuar mangësitë, dhe njëkoësisht duke shëruar sëmundjet.
Njerëzit mund të agjërojnë në stilet e diktuara nga besimi i tyre apo t’i përshtasin ato sipas stilit të jetesës së tyre, por është e rëndësishme të kenë prioritet këtë mjet të thjeshtë e të leverdishëm për ruajtjen e shëndetit.
