Policia njoftoi sot se ka shpallur në kërkim një 56 vjeçar nga Lushnja, i cili me llogari të rreme në rrjetet sociale tenton të manipulojë të rinj e të reja për t’u dërguar foto intime.
Abuzuesi dyshohet se ka hapur një adresë në rrjetet sociale në emër të një vajze 26-vjeçare, me anë të së cilës komunikon me persona të ndryshëm dhe rrjedhimisht u kërkon foto intime e më pas i shantazhon.
Policia e Lushnjes nuk bënte te ditur identitetin por tha se hetimet dhe kërkimi i të dyshuarit vijon:
“Specialistët e Seksionit për Hetimin e Krimeve Kibernetike shpallën në kërkim shtetasin I. Ç., 56 vjeç. Materialet procedurale iu referuan Prokurorisë së Fierit, për veprime të mëtejshme”.
