Qytetarë të Durrësit denoncuan sot standardet e mjerueshme të ndërtimit të veprave të reja në qytetin turistik, të cilat prej mungesës së përgjegjësisë nisin të shpërbëhen pak pas ndërtimit.
Në pamje shihen pllakat e rrëzuara të mermerit të urës dekorative të autostradës në qendër të qytetit, që në vend të shtojë bukurinë e dinjitetin kthehet në një dëshmi të neglizhencës dhe korrupsionit të autoriteteve.
“Pershendetje ja si bien pllakat e mermerit cdo gje jasht standarti”, shkruan qytetari i zhgënjyer nga pamja.
Shqiptarët kanë denoncuar shpesh punime të nxituara, abuzive ose 'elektorale' nga zyrtarët bashkiakë, që prej mungesës së korrektësisë dhe dhënies së llogarisë, shpesh nuk plotësojnë standardet e reklamuara të sigurisë dhe estetikës.
