Klevis Shasho nga fshati Pojan i Maliqit është arrestuar pasi ka përplasur me makinë një këmbësore.
Ngjarja ka ndodhur dy ditë më parë, ku 24-vjeçari ka përplasur me makinë një këmbësore në fshatin Pojan, shtetasen me iniciale S.K, 68 vjeç dhe është larguar nga vendi i ngjarjes
Mbi të rëndojnë akuzat për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Mësohet se e moshuara ndodhet ende në spitalin e Korçës dhe është jashtë rrezikut për jetën.
Materialet procedurale i kaluan Prokurorisë së Korçës për veprime të mëtejshme.
Klevis Shasho është një personazh i njohur në “TikTok”, i cili jeton vetëm me gjyshen e moshuar dhe vëllain e vogël. Ata jetonin në një banesë të rrënuar, që Klevisi e rikonstrukturoi pas të ardhura që mori nga “TikToku”.
