Një denoncim shqetësues vjen nga Vlora për Zija Mbolajn, një të moshuar të sëmurë, i cili po jeton në kushte të rënda dhe i harruar nga institucionet. Me një pension prej vetëm 150 mijë lekësh të vjetra, ai nuk arrin të sigurojë as ushqimin dhe as ilaçet e nevojshme për shëndetin e tij.
Shtëpia e tij ndodhet në një gjendje kritike dhe rrezikon të shembet, por pavarësisht situatës së rëndë, deri më tani nuk është ndërmarrë asnjë veprim nga autoritetet. E vetmja ndihmë për të moshuarin vjen nga fqinjët, të cilët, me mundësitë e tyre, përpiqen ta mbështesin.
Ndërkohë që institucionet heshtin, mbetet për t’u parë nëse ky apel do të zgjojë reagimin e duhur për të ndihmuar një nga qytetarët më në nevojë të Vlorës.
