Një ngjarje e rëndë ka ndodhur në qytetin e Burrelit, ku një polic i burgut të sigurisë së lartë dyshohet se ka qëlluar veten me armën e shërbimit.
Polici është dërguar menjëherë në spitalin e Burrelit pasi ka marrë një plumb në kokë dhe gjendja e tij është kritike.
Ngjarja dyshohet të ketë ndodhur në banesën e tij, dhe aktualisht grupi hetimor është në vendngjarje për të zbardhur arsyet e këtij incidenti të rëndë.
Polici ka inicialet S. N, dhe është rreth 58 vjeç. Hetimet janë duke u zhvilluar për të përcaktuar shkakun e vetëplagosjes dhe për të sqaruar rrethanat që çuan në këtë ngjarje tragjike.
