Qytetarë të Beratit raportuan sot një segment të dëmtuar të bulevardit qendror të qytetit, që pas neglizhimit prej kohësh nga punonjësit e bashkisë është kthyer tashmë në një 'atraksion' qesharak për vizitorët e qytetit.
Banorët tregojnë sesi një pjesë e bulevardit të ri me pllaka të shkëputura e të pasigurta, është kthyer në një bezdisje për kalimtarët, ndërsa masa e vetme nga punonjësit është hedhja herë pas here e rërës apo llaçit, me shpresë dhe punimi defektoz do të rregullohet vetë.
Raportuesit detyrohen të denoncojnë në media shqetësimet e tyre, teksa zyrtarët që duhet t’i shërbejnë popullit duket se kanë mendjen vetëm te fushata elektorale për të mbrojtur postet e tyre dhe abuzuar me kompetencat.
Raportimi i qytetarit:
“Pershendetje jam nje qytetar nga Berati kemi nje shqetsim kjo eshte ruga kryesore ne qender te Beratit dhe shikoheni si eshte katastrof. vijne puntoret e Bashkise me nje karoc me llac ja hedhin dhe perfundimi ruges duket ...keta bashkiaket tane e kane mendjen te fushata..dhe turistet kur kalojne i bejne foto kesaj pjese ruge ...ju lutemi beheni publike po ju nise ca foto dhe vidjo faleminderit shume ...”
