Qytetarë të dëshpëruar denoncuan sot mosgrumbullimin e mbeturinave nga bashkia e Tiranës, të cilat janë kthyer në pirgje papastërtie e sëmundjesh mes pallateve të tyre të banimit.
Banorët e rrugës Thoma Goxhaj në pallatet e reja në Kashar, tregonin sesi fëmijët e tyre duhet të luajnë e shkelin mbi mbeturinat e hedhura në çdo kalim, ndërsa shërbimet e pastrimit të bashkisë së kryeqytetit qytetit duken inekzistente.
Me të drejtë qytetarët bëjnë thirrje të marrjes së përgjegjësisë nga punonjësit dhe shefat e tyre, për të kryer detyrën që janë zgjedhur ose caktuar të bëjnë në shërbim të popullit.
Ata detyrohen të drejtohen te mediat për publikimin e shqetësimeve të tyre, pasi shpesh mbeten shtysa e vetme për ndërgjegjësim, dhe reduktim të korrupsionit që ka pushtuar çuditërisht çdo institucion të qeverisë shqiptare, sikur të nxitej nga vetë drejtuesit më të lartë.
Denoncimi:
“Përshëndetje JOQ ! Doja që të ndaja një shqetësim me ju , kjo është gjendja që perballemi çdo ditë sapo dalim nga shtëpia, kudo plehra .Banore të papërgjegjshëm dhe aspak të qytetëruar që i hedhin plehrat jo në koshat përkatës dhe çdo ditë e më shumë plehrat po shtohen. Asnjë nuk vjen ti pastrojë nga punonjësit e pastrimit prej muajsh, janë në gjumë letargjik siç duket . Kjo gjëndje është në rrugën Thoma Koxhaj ,Tiranë . Preferoj te mbetem anonim . Faleminderit JOQ që ndani shqetësimet që hasim çdo ditë , jeni më të mirët
Faleminderit nqse e postoni , se ndoshta duke e parë tek ju mund të vihen në lëvizje punonjësit e pastrimit.”
Fëmijët duhet të luajnë e shkelin mbi mbeturinat e hedhura në çdo kalim, ndërsa shërbimet e pastrimit të bashkisë së kryeqytetit qytetit duken inekzistente.
Mbeturinat janë kthyer në pirgje papastërtie mes pallateve të banimit në Kashar.
Imazhet e rrjetit jane teper larg realitetit në zonen në fjalë.
