Një ngjarje e rëndë raportohet të ketë ndodhur pak ditë më parë në Shkodër.
Burime për JOQ ALBANIA bëjnë me dije se një fëmijë 4-vjeçar ka ndërruar jetë në spitalin e Shkodrës, dyshohet për shkak të helmimit të rëndë në gjak. Ngjarja ka ndodhur 3 ditë më parë dhe djali ka humbur jetën brenda 5 orësh, ndërsa motra 6-vjeçare është transportuar me urgjencë drejt Tiranës.
Ngjarja bëhet edhe më e rëndë pasi nëna e dy fëmijëve është në muajin e 9-të të shtatzënisë dhe trauma që po përjeton është e madhe.
Deri më tani, Spitali Rajonal i Shkodrës nuk ka dhënë asnjë njoftim rreth kësaj ngjarje.
Shënim: Ky raportim bazohet në dëshmi të qytetarëve dhe nuk është i konfirmuar zyrtarisht. Për çdo informacion të mëtejshëm, JOQ Albania do të vijojë të raportojë.
