Policia e Kosovës ka bërë thirrje për bashkëpunim me qytetarët për identifikimin e një personi të dyshuar për përfshirje në një rast vjedhjeje.
Në një postim në Facebook, policia njofton se Sektori i Hetimeve të kryeqytetit, me autorizim nga prokuroria kompetente, kërkon ndihmë për të identifikuar personin që shihet në fotografin e publikuar.
“Të nderuar, për çdo informatë që mund të çojë në identifikimin e tij, ju lusim të kontaktoni policinë në numrin e telefonit: 192 ose përmes emailit: [email protected]”, thuhet në njoftim.
Policia inkurajon qytetarët që të bashkëpunojnë për zbardhjen e rastit dhe kapjen e të dyshuarit.
