Është identifikuar i riu shqiptar që humbi jetën në aksidentin e rëndë rrugor në Itali.
Mediat italiane bëjnë me dije se bëhet fjalë për 19-vjeçarin Klajdi Malaj, i cili banonte në Gioia del Colle.
Aksidenti ndodhi rreth mesnatës në rrugën provinciale 82, mes Acquaviva delle Fonti dhe Gioia del Colle, ku u përplasën tre makina. Përveç të riut shqiptar, humbi jetën edhe një 44-vjeçar italian, i cili u dërgua në spitalin Miulli, por nuk mundi t’i mbijetonte plagëve të marra. Ndërkohë, drejtuesi i automjetit të tretë shpëtoi pa lëndime.
Zjarrfikësit punuan deri në orët e para të mëngjesit, ndërsa autoritetet italiane po hetojnë shkaqet e aksidentit tragjik.
