Një sondazh i fundit, i kryer nga një prej platformave më të njohura të transmetimit, zbuloi se shumica e njerëzve nuk mund të zgjohen me vetëm një alarm. Sipas rezultateve, 19% e të anketuarve vendosin më shumë se pesë alarme për t’i ndihmuar të dalin nga gjumi. Disa e shtyjnë butonin e “snooze” disa herë, ndërsa të tjerët programojnë disa alarme me intervale të shkurtra kohore.
Sipas ekspertëve, kjo lidhet me ciklet e gjumit dhe mënyrën se si trupi përgatitet për zgjimin. Ndërprerja e vazhdueshme e gjumit mund të çojë në ndjenjën e lodhjes gjatë gjithë ditës.
Ndërkohë, 33% e njerëzve deklaruan se u mjafton vetëm një alarm për t’u zgjuar, ndërsa 8% nuk kanë nevojë fare për alarm.
Si mund ta zgjidhim këtë? Ekspertët këshillojnë të vendosim një orar të rregullt gjumi dhe të përpiqemi të zgjohemi me alarmin e parë. Megjithatë, për shumë njerëz, kjo mbetet ende një sfidë!
