Në qytetar ka ngritur një shqetësim në redaksinë tonë lidhur me kullën e Abat Preng Doçit, një monument kulture me histori 200-vjeçare, po rrezikon shembjen e plotë.
Muri në anën lindore ka rënë dhe i gjithë objekti ka pësuar dëmtime të mëdha, duke u bërë një kërcënim serioz për ekzistencën e saj. Kjo kulla e shquar, që lidhet me figurën e Abat Preng Doçit, u shpall monument kulture në vitin 2015, por për fat të keq, nuk ka marrë vëmendjen e duhur që të ruhet dhe restaurohet.
"Isha turist në Mirditë dhe u trishtova kur pashë që Kulla e Abat Prend Doçit po shembej. Është monument kulture i kategorisë 2", shkroi qytetari.
Ky objekt ka një rëndësi të veçantë për kulturën dhe historinë e Mirditës, dhe është e domosdoshme që të ndërhyhet sa më shpejt për ta shpëtuar nga shkatërrimi.
