Një ngjarje e rëndë ka tronditur Tiranën paraditen e së mërkurës, ku një punonjës policie i burgjeve i ka dhënë fund jetës me armë zjarri në banesën e tij.
Sipas raportimeve zyrtare, ngjarja ka ndodhur rreth orës 11:00 në rrugën “Shefqet Musarai”. Viktima, 48-vjeçari G.A., dyshohet se është vetëvrarë me pistoletë, ndërsa motivet e këtij akti tragjik mbeten ende të paqarta.
Kanë nisur hetimet për të zbardhur rrethanat e ngjarjes, ndërkohë që trupi i pajetë është dërguar për ekspertizë mjeko-ligjore.
