Detaje të reja janë mësuar në lidhje me aksidentin e rëndë automobilistik që ndodhi sot rreth orës 14:00 në aksin kombëtar Tepelenë-Gjirokastër, ku dy njerëz kanë humbur jetën.
Dy automjete, njëri prej të cilëve ishte i ushtrisë me targa të FA, janë përplasur pranë Liqenit të Viroit.
Një prej viktimave është identifikuar si Pano Kalanderi (drejtues i mjetit), ndërsa identiteti i viktimës së dytë është Shefki Salaria, pasagjer në mjetin tip Caddy, me të cilin viktimat lëviznin për arsye pune.
Drejtuesi i automjetit të ushtrisë është transportuar në spital dhe ndodhet jashtë rrezikut për jetën.
Mësohet se mjeti i ushtrisë ishte duke transportuar materiale të arkivit të Gjirokastrës, në momentin që është aksidentuar.
Tragjedia e sotme i shtohet përgjakjeve të shpeshta të rrugëve shqiptare ditët e fundit për të cilat nuk ka shkaqe të dukshme edhe pse nuk janë parë ndonjëherë në vend.
