Delina Fico, bashkëshortja e Bledi Çuçit e njëkohësisht ish-bashkëshorte e kryeministrit Edi Rama, ka reaguar publikisht në mbështetje të Ajola Xoxës, bashkëshortes së kryebashkiakut Erion Veliaj, e cila ndodhet nën hetim për pastrim parash.
Në një koment në rrjetet sociale, Fico i drejtohet Xoxës me mesazhin: “Ajola, mbaje kokën lart në këtë përballje me padrejtësinë. Dhe mos e lër baltën e çakenjve të të dëshpërojë. Përveç të tjerave, në këtë qenëri mediatike, luan një rol, fatkeqësisht, edhe zilia për një grua të mençur, punëtore e zemërbardhë si ty.”
Ky reagim ka ngjallur debat, me kritika që e cilësojnë mbrojtjen e Ficos si një përpjekje për të bashkuar forcat mes eksponentëve të njohur të pushtetit.
Nga ana tjetër, hetimet mbi Ajola Xoxën vazhdojnë, ndërsa mesazhet e mbështetjes dhe polemikat në lidhje me çështjen shtohen.
