Një aksident tragjik ka ndodhur sot në Gjirokastër, ku një kamion i Forcave të Armatosura është përplasur me një mjet tip 'Caddy' të verdhë në aksin Tepelenë-Gjirokastër, afër kthesës së Viroit.
Si pasojë e këtij aksidenti, drejtuesi i këtij mjeti, Pano Kalanderi, 56 vjeç, dhe një pasagjer, i cili ende nuk është identifikuar, kanë humbur jetën.
Kamioni ushtarak që ka shkaktuar aksidentin po transportonte materiale të arkivit të Gjirokastrës.
Policia ndodhet në vendngjarje dhe shkaqet e këtij aksidenti janë duke u hetuar nga autoritetet.
