Një aksident i rëndë ka ndodhur mëngjesin e sotëm në autostradën Tiranë-Durrës, ku një 28-vjeçar ka humbur jetën.
I riu, i identifikuar me inicialet G.M., ka humbur kontrollin mbi drejtimin e automjetit të tij dhe është përplasur me trafikndarësen.
Pas këtij aksidenti, ai dhe tre pasagjerë të tjerë kanë dalë nga automjeti, dhe gjatë kohës që ndodheshin në rrugë, janë përplasur nga një tjetër automjet që drejtohej nga I.L.
Si pasojë, G.M. ka humbur jetën, ndërsa pasagjerët janë dërguar në spital për mjekim. Shoferi I.L. është shoqëruar nga policia dhe po merren masa për hetimin e aksidentit.
