Nëse ka diçka të bukur në këtë botë, është besnikëria! Dhe këtë e dëshmon më së miri moderatori Ardit Gjebrea, i cili nuk ka ngurruar t’i dalë në mbrojtje publikisht 'mikut të tij të shtrenjtë', Erion Veliajt, i arrestuar për korrupsion dhe pastrim parash.
"Askush nuk mund të thotë që Tirana është njësoj si më parë", shkruan Gjebrea me plot emocion, duke lavdëruar 'ndryshimet e mëdha' të Veliajt. Sigurisht, kjo mirënjohje nuk vjen pa arsye. Të dhënat e Drejtorisë së Thesarit tregojnë se shoqata e tij "Jon Music" ka marrë plot 6 herë pagesa nga Bashkia e Tiranës për festivalin "Kënga Magjike".
Shuma totale që Ardit Gjebrea ka marrë nga Bashkia e Tiranës për "Kënga Magjike" është 29,805,000 lekë të reja, ose thuajse 300 milionë lekë të vjetra.
Ja disa nga 'shpërblimet bujare' të dhuruara nga bashkia e drejtuar nga Veliaj:
Pra, e thënë më thjesht, Ardit Gjebrea nuk është thjesht një mbështetës i Veliajt, por një përfitues i kujdesit të tij financiar. Nuk është çudi që sot ai e quan “mikun” e tij një njeri të ndershëm dhe të aftë.
Në fund të fundit, siç thuhet: “Mos kafsho dorën që të ushqen”. Dhe Gjebrea këtë duket e ka kuptuar më mirë se kushdo tjetër!
"Askush nuk mund të thotë që Tirana është njësoj si më parë. Dhe për fat të keq si mundet që nuk e bërtasin punën tënde e sa shpejt harruan (me qëllim) që Tiranës ju fute me themel për ta ndryshuar për të mirën e përditshmërisë tonë? Një ditë do të të kërkojnë, dhe e di: I afti gjithmonë e gjen mënyrën të jetë i denjë për veten dhe familjen. Jam i lumtur dhe krenar që kam një mik si ty!”, shkruante Gjebra në rrjetet sociale, duke e shoqëruar këtë mesazh të ndjerë me një foto me Veliaj dhe hashtagun #jamerion dhe #kambesimtekti”.
