Policia në Indiana ka arrestuar një student transgjinor të identifikuar si Trinity J. Shockley, i cili preferon të quhet Jamie ose Dex, pasi dyshohet se po planifikonte një sulm me armë zjarri, të ngjashëm me atë që ndodhi në shkollën e mesme Mooresville në Parkland.
Sipas autoriteteve, FBI në Indianapolis mori një informacion mbi planet e mundshme të Shockley dhe e referoi çështjen tek Departamenti i Policisë Metropolitane të Mooresville. Sipas hetimeve, ai planifikonte të kryente një sulm të armatosur me një pushkë AR-15 dhe kishte porositur një jelek antiplumb.
Gjithashtu, hetuesit zbuluan se ai ishte i fiksuar pas autorit të masakrës në Parkland të vitit 2018, ku mbetën të vrarë 17 persona. Në një nga shënimet e tij, ai shprehte dëshirën që autori i masakrës në Parkland ta njihte atë si "fansin e tij numër një".
Gjatë kontrollit në shtëpinë e Shockley, policia gjeti një dhomëz të dedikuar masakrave, me fotografi të autorëve të sulmeve të kaluara dhe butona me fytyrat e tyre. Në ditarët e tij, ai kishte shkruar për mendimet e tij të dhunshme dhe identitetin e tij si "Dex... një mashkull transgjinor me shumë mendime kriminale".
Më pas, Shockley u akuzua për “komplot për të kryer vrasje”, një vepër penale e nivelit më të lartë, si dhe dy akuza të tjera për "kërcënim për terrorizëm".
