Taravari: Për ndryshimet kushtetuese duhet të bindet edhe OBRM-PDUKM-ja, Mickoski kërkon garanca

Shkruar nga: B Hasi | Publikuar më: 16.02.2025, 17:32

Ministri i Shëndetësisë, Arben Taravari në një intervistë për Radion Evropa e Lirë, ka folur për ndryshimet kushtetuese.

Taravari tha se VLEN insistojnë që ndryshimet kushtetuese të ndodhin dhe se kryeministri i vendit, Hristijan Mickoski po tregon gatishmëri.

“Normalisht se ne si VLEN do të insistojmë, por duhet të bindet edhe OBRM-PDUKM-ja. S`ka formulë që mund t`i bëjë ndryshimet kushtetuese pa OBRM-PDUKM-në. Me sa shoh, Kryeministri është i gatshëm, por kërkon garanca. Nëse kjo do të jetë nga Sofja, Brukseli apo Uashingtoni, është irelevante, por ky është kushtëzimi i fundit për Maqedoninë”, tha Taravari.

Lidhur me zgjedhjet lokale, Taravari thotë se në fund të marsit, pas anketave brendapartiake do të dilet me propozime për kandidatët e tyre në komuna të caktuara.

Ai nuk e ka përjashtuar mundësinë që në komuna urbane të dilet me kandidatë të përbashkët, kurse në ato rurale veç e veç.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit