Një aktore e njohur koreano-jugore është gjetur e vdekur sot në shtëpinë e saj në Seul.
24 vjeçarja Kim Sae-ron u gjet pa jetë në shtëpinë e saj nga një mikeshë me të cilën kishte planifikuar të takohej, njofton agjencia vendase Yonhap News.
Nuk dihen ende shkaqet e vdekjes së papritur të aktores, e cila luante në filma prej moshës 9 vjeçare.
E ndjera kishte ndaluar paraqitjet në filma para dy vitesh pas një aksidenti që kreu me makinën e saj, dhe nuk u paraqit në publik për një vit prej turpërimit në media.
Ndërsa me rinisjen e karrierës vitin që shkoi ajo u detyrua të hiqte dorë nga probleme të papritura shëndetsore, shkruan rrjeti kinez South China Morning Post.
Trupi i Kim u gjet pasditen e sotme, në orën lokale 16:50
“Nuk kemi gjetur shenja dhune dhe po hetohen rrethanat e vdekjes”, njoftonte policia vendase.
Më së fundmi Kim ka luajtur në serialin e Netflix “Bloodhounds” në 2023, ndërsa ka fituar disa çmime në ceremonitë koreane sipas profilit të saj në rrjetin IMDB.
