Autoritetet spanjolle kanë goditur një grup trafikantësh të përfshirë në kultivimin dhe trafikimin e marijuanës në provincën e Toledos.
Si rezultat i operacionit, katër persona, mes tyre edhe shtetas shqiptarë, janë arrestuar. Mes të ndaluarve është edhe një elektricist, i cili dyshohet se kishte instaluar lidhjet elektrike në një magazinë të përdorur për rritjen e kanabisit.
Gjatë kontrollit, brenda magazinës u gjetën dhe u sekuestruan 1,350 bimë narkotike. Mediat spanjolle raportojnë se shqiptarët kishin marrë përsipër kujdesin dhe transportimin e tyre nga Spanja drejt Gjermanisë.
Përveç lëndës narkotike, në magazinë u zbuluan dhe sekuestruan edhe pajisje të ndryshme si laptopë, ventilatorë, llamba dhe mjete të tjera të përdorura për kultivimin e bimëve.
