Qytetarët që shkojnë për të kujtuar të afërmit e tyre në varrezat ‘e reja’ të Durrësit, raportuan në redaksi sesi tymi i mbeturinave që digjen nga punonjës të pastrimit nuk i linte të hynin në disa zona të varreve.
Punonjësit e bashkisë se Durrësit duket se kanë zgjedhur me arrogancë të djegin mbeturinat aty ku njerëzit shkojnë të vizitojnë eshtrat e të afërmve të larguar nga jeta, si një mënyrë “më e shkurtër” nga transporti në vendet e grumbullimit.
Situata e vrazhdë tregon respektin dhe përgjegjësinë e vogël të autoriteteve ndaj jetës dhe njerëzve, në një rast kur duhet të tregonin dinjitet për njerëzit që kërkojnë të përballojnë humbjen e të afërmve të tyre në këto kohë sëmundjesh.
Në pamjet e dërguara shihen tymi dhe zjarri i mbeturinave që digjen pranë varreve, teksa qytetari komenton: “Tek varrezat e reja ne Durres, njerezit vijne tek varret por ja, komunalja nuk i merr me kamion ti hedh po kan gjet menyren me te lehte ti djegin.”
