Një qytetar ka denoncuar pranë redaksisë së JOQ Albania gjendjen alarmante të infrastrukturës në rrugën "Arjan Sala" në Kodër-Kamëz, Bathore.
Sipas tij, rruga është e mbushur me gropa të thella, të cilat po dëmtojnë automjetet e banorëve dhe po shkaktojnë shqetësime të vazhdueshme për drejtuesit e mjeteve.
Në pamjet e dërguara nga qytetari, shihet qartë një gropë e madhe me ujë në mes të rrugës, duke e bërë edhe më të rrezikshme lëvizjen. Ai i bën thirrje kryetarit të Bashkisë Kamëz, Rakip Suli, që të ndërhyjë sa më parë për riparimin e rrugës dhe të mos e lërë në këtë gjendje të mjerueshme.
Denoncimi i qytetarit:
"JOQ, përshëndetje! Në Kodër-Kamëz, Bathore, Rruga Arbërit ose ndryshe 'Arjan Sala', ndoshta i kujtohemi ndopak kryetarit Rakip Suli. T’ia rikujtojmë se duhet t'i mirëmbajë rrugët, se i copëtuam makinat dhe na mbyti pluhuri!"
Banorët e zonës kërkojnë një zgjidhje të menjëhershme nga institucionet përkatëse për të shmangur dëmtimin e mëtejshëm të mjeteve dhe për të siguruar një infrastrukturë të sigurt për të gjithë.
