Në veri të qarkut të Shkodrës kanë nisur reshjet e dëborës mëngjesin e sotëm.
Dëbora raportohet se ka qenë e dendur por qarkullimi në akset rrugore Hani i Hotit-Tamarë, Tamarë-Vermosh dhe Bogë-Theth vijon thuajse normalisht pas një bllokimi të përkohshëm.
Ekipet e mirëmbajtjes kanë ndërhyrë duke pastruar dhe kriposur rrugët.
Ndërkohë në disa fshatra ka pasur probleme me energjinë elektrike.
Autoritetet bëjnë thirrje për kujdes të shtuar nga drejtuesit e automjeteve, sidomos në zonat me terren malor, ku reshjet dhe temperaturat e ulëta mund të krijojnë prezencë akulli në rrugë.
