Klajdi Buza është identifikuar si autori që hapi zjarr ndaj një patrulle policie pranë Rinasit mbrëmjen e sotme. Pas informacioneve për një person të armatosur, policia organizoi një operacion për kapjen e tij, por ai qëlloi ndaj efektivëve përpara se të neutralizohej dhe ndalohej.
Buza kishte precedentë penalë, pasi në 2022 u arrestua për armëmbajtje pa leje në Krujë. Ngjarja e fundit e përforcon historikun e tij kriminal në lidhje me përdorimin e armëve.
Në vitin 2015, ai kishte denoncuar vjedhjen e makinës së tij, një ‘‘BMW X5’’ me targa AA 987 BC, duke figuruar në regjistrat e policisë edhe më herët, ndonëse në rrethana të ndryshme.
