Prokuroria e Korçës ka regjistruar një kallëzim penal lidhur me rastin e 12-vjeçarit Leo Sadiku, i cili humbi jetën pas trajtimit mjekësor. Familja e tij ka ngritur padi ndaj mjekëve të spitaleve në Korçë dhe Tiranë, duke i akuzuar për neglizhencë dhe shkaktimin e vdekjes së djalit.
Megjithatë, Prokuroria e Korçës ka shpallur moskompetencën për vijimin e hetimeve, pasi ngjarja ka ndodhur në Qendrën Spitalore Universitare “Nënë Tereza” (QSUT) në Tiranë. Për këtë arsye, dosja do t’i kalojë Prokurorisë së Tiranës për hetime të mëtejshme.
