Një 27-vjeçar ka ndërruar jetë në spital mbrëmjen e sotme në qytetin e Vlorës.
Burime nga policia bëjnë me dije se, i riu me inicialet S.Z., dyshohet se ka qëlluar veten me armë zjarri, duke mbetur i plagosur.
Familjarët e kanë dërguar në spital për të marrë ndihmë mjekësore, por fatkeqësisht ai nuk ka mundur të mbijetojë.
Policia ka nisur hetimet për zbardhjen e plotë të rrethanave të ngjarjes.
Njoftimi i plotë i Policisë:
Vlorë/Informacion paraprak
Sot, rreth orës 20:40, në Spitalin Rajonal Vlorë ka ndërruar jetë shtetasi S. Z., 27 vjeç, i cili ishte shoqëruar nga familjarët për ndihmë mjekësore, pasi dyshohet se ishte vetëplagosur me armë zjarri, në banesën e tij, në lagjen “11 Janari”, Vlorë.
Në vijim të veprimeve, grupi hetimor ka gjetur dhe sekuestruar në vendngjarje, konkretisht në tualetin e banesës së tij, armën e dyshuar të përdorur nga shtetasi S. Z.
Nën drejtimin e Prokurorisë, vijon puna për zbardhjen dhe dokumentimin e plotë të ngjarjes.
