Dom Gjergj Meta ka reaguar pas vetëvrasjes së 15-vjeçares nga Gjirokastra, që dyshohet se u shty nga përballjet e vazhdueshme me bullizmin dhe keqtrajtimin në shkollë.
“Ngushëllime familjarëve të kësaj vajze. Ky po që është një problem madhor dhe emergjencë serioze. Fatmirësisht, jo të gjithë ata që bullizohen ndërmarrin një akt kaq të skajshëm, por janë të shumtë ata që vazhdojnë të vuajnë nga bullizimi, duke marrë plagë që i ndjekin gjatë gjithë jetës,” tha Meta.
Ai bëri thirrje për ndërhyrje të shpejtë dhe serioze për të adresuar bullizmin, duke e konsideruar atë një çështje që shqetëson thellësisht shoqërinë dhe kërkon veprime konkrete për të parandaluar tragedi të tilla në të ardhmen.
