Një gjykatë në Angli ka vendosur se deportimi është masë “tepër e ashpër” për një trafikant shqiptar drogash, pjesërisht prej alergjisë së të birit 10-vjeçar nga produkte të huaja mishi.
39 vjeçari Klevis Disha kishte ardhur në Britani kur ishte minoren, duke dhënë asokohe të emër të rreme e duke pretenduar se ishte nga ish-Jugosllavia gjatë luftës së Kosovës.
Ai kishte marrë nënshtetësinë angleze por e humbi atë në vitin 2021 pasi kreu dy vjet burg kur u kap me 300,000 paundë që besohet se ishin fitime ilegale krimi.
Dishës iu hoq nënshtetësia pas vlerësimit se e kishte fituar atë me anë të gënjeshtrës.
Por gjykata e emigracionit vendosi dje se dëbimi nga vendi është “tepër i ashpër”, pjesërisht prej ndjeshmërive ndaj ushqimi të të birit, si dhe prej problemeve të tij të sjelljes e vështirësive të komunikimit.
Në dokumentet gjyqësore listohet se djali i njohur vetëm si “C”, mes të tjerave ka alergji nga “mishi i pulës që shërbehet jashtë vendit”.
Një zëdhënës i ministrisë së brendshme komentonte më herët për çështjen: “Të huajt që kryejnë krime nuk duhet të dyshojnë se ne do të punojmë për të pastruar rrugët e Britanisë dhe do t’i largojmë në mundësinë më të parë”.
Ndërsa përfaqësuesi opozitar Chris Philp tha për mediat: “Ky rast tregon haptazi sesi sistemi i emigracionit shfrytëzohet nga azilantë e kriminelë të huaj që abuzojnë ligjet e të drejtave të njeriut për të qëndruar në Britani”.
Mijëra emigrantë punojnë ilegalisht në bare, lavazhe e restorante në Britani.
Qeveria laburistë thotë se ka arrestuar 3,930 prej tyre që prej ardhjes në pushtet në 31 janar.
