Një aksident tragjik me pasojë vdekjen e një këmbësoreje ka ndodhur në orët e para të mëngjesit të ditës së sotme në aksin Lushnjë-Fiershegan, pranë fshatit Barbullinjë.
Një 65-vjeçare me iniciale H.T është përplasur për vdekje nga një mjet tip “Audi”, me targa AB257SM, rreth orës 05:30.
Aksidenti me motiv të dyshuar shpejtësinë e lartë ka ndodhur në momentin kur 65-vjeçarja po kalonte rrugën për të shkuar në punë.
Drejtuesi i mjetit është vetë dorëzuar në komisariatin e Lushnjes ndërkohë që policia ndodhet në vendin e ngjarjes për zbardhjen e plotë të rastit.
