23 vjeçarja Libby Vernon, kishte mbajtur një bark të rremë silikoni për të bindur të dashurin se do të lindte fëmijën e tij, madje e bëri të celebronte lajmin e rremë në një festë të zbulimit të gjinisë me familjarët e tij.
Më pas për të mbuluar gënjeshtrën e saj ajo i tha se binjakët inekzistentë nuk jetonin më.
E reja e cila mohon problemet e karakterit dhe shëndetit mendor, kishte inskenuar më parë dhe një tjetër shtatzani të rreme me një tjetër partner.
Në seancën gjyqësore të çështjes në Cumbria, në veri të Britanisë, u tha se Vernon kishte shkuar në spital dhe i tha të dashurit se mjekët i kishin thënë se bebet e saj binjake nuk jetonin më.
Por rrjedhimisht i dashuri, i cili nuk është emëruar publikisht, shkoi në spital për t’u interesuar ku zbuloi se Vernon nuk kishte qenë fare ne repartin e maternitetit dhe kjo e la atë të shokuar.
Prokurorja Pamela Fee e quante rastin e mashtrimit "tepër kompleks".
Ndërsa avokati mbrojtës Mike Woolaghan, tha në gjyq se nuk ka nene të sakta për të quajtur ‘krime’ veprimet e Vernon.
"Çështja duket se nuk e kalon pragun për arrestim. Zonja nuk është e dënuar më parë dhe nuk ka diagnozë formale për sëmundje mendore”.
Rrjedhimisht Vernon pranoi katër akuza të dhënies së informacionit të rremë me qëllim shkaktim lëndimi. Ajo pranoi gjithashtu dërgimin e një çertifikate të rreme lindjeje e vdekjeje.
Gruaja është lënë e lirë deri në përfundim të gjyqit në mars, me kusht që të mos hyjë në rajonin e Cumbria apo të kontaktojë viktimën e mashtrimit, shkruan rrjeti TheMirror.
Në gjykatë u tha se ajo kishte inskenuar më parë një tjetër shtatzani me një tjetër partner.
