Një kompani në Tokio ofron një shërbim unik për punonjësit që ndihen të stresuar apo të mbingarkuar emocionalisht.
“Ikemeso Danshi” (që përkthehet si “djalë i pashëm që të fshin lotët”) lejon klientët të zgjedhin një burrë tërheqës nga katalogu, që të ulen pranë tyre dhe t'i fshinë lotët në vendin e punës. Ky shërbim kushton 7,900 jen (rreth 3,015 lekë).
Në katalog ofrohen një sërë personazhesh, si “djalë Ikemeso me tipare tradicionale të epokës Showa” me këmishë me kuadrata, apo një “djalë Ikemeso i qetë modern" i veshur me xhaketë elegante. Përveç tyre, ka edhe personazhe të tjerë si një gjimnast, një pastrues këpucësh dhe një drejtor funerali, duke i dhënë një nuancë dramatike dhe të personalizuar shërbimit.
Ky shërbim reflekton kulturën japoneze të kujdesit për mirëqenien emocionale në ambientet e punës, duke ofruar një mënyrë të pazakontë, por terapeutike për të përballuar stresin. Për shumë punonjës, një moment i tillë emocional, i shoqëruar nga një djalë i pashëm, mund të jetë një përvojë qetësuese dhe e veçantë, njësoj si në një skenë romantike të një seriali korean.
