Janë zbardhur detaje të mashtrimit të dy personave, të cilët zhvatën 6 mijë euro një biznesmeni nga Lushnja, duke u hequr si kryetar bashkie.
Bëhet fjalë për Ervis Belollarin, i njohur në TikTok si “Delluksi”, i cili u arrestua nga policia, ndërsa Arsen Matollari është shpallur në kërkim.
Të dy dyshohen se kanë mashtruar biznesmenin duke u prezantuar si kryetari i bashkisë dhe duke i kërkuar 6 mijë euro me pretekstin e një problemi shëndetësor.
“Kam një hall shëndetësor në një spital privat në Tiranë”, i ka thënë telefonuesi, ndërsa biznesmeni i dha shumën e kërkuar.
Kur ata kërkuan edhe 7 mijë euro të tjera, ai dyshoi dhe i denoncoi në Komisariatin nr. 6 në Tiranë.
Policia identifikoi dhe arrestoi Belollarin, ndërsa Matollari është ende në kërkim. Ndërkohë vijojnë hetimet për kapjen e të dyshuarit të dytë.
