Dy tërmete goditën Santorinin pasditen e së premtes, brenda më pak se një minute.
I pari u regjistrua në orën 17:16, me magnitudë 4.4 të shkallës Rihter, ndërsa i dyti pasoi në orën 17:17, me magnitudë 4.5. Epiqendra e tyre ishte në jug-jugperëndim të Amorgos.
Pas ngjarjes, kryeministri Mitsotakis zhvilloi një takim me përfaqësuesit e interesuar në Santorini, ku u fokusua veçanërisht në çështjet e infrastrukturës, duke theksuar nevojën për masa si në planin afatshkurtër ashtu edhe në atë afatmesëm. Ai gjithashtu njoftoi një financim fillestar prej 3 milionë eurosh për ndërtimin e një porte shpëtimi në jug të ishullit, për t’u përgatitur ndaj çdo skenari të mundshëm.
