Dy persona kanë zhvatur 6 mijë euro nga një biznesmen duke iu prezantuar atij si përfaqësues të drejtuesit të një institucioni vendor.
Biznesmeni i mashtruar rezulton të jetë nga qyteti i Lushnjes dhe kishte aktivitet në tregun e bimëve medicinale por tentativa e përfitimit të jashtëligjshëm solli kapjen e të dyshuarit.
Policia raporton se i arrestuar është Ervis Belollari ndërsa në kërkim është shpallur Arsen Matollari.
Ervis Belollari raportohet se është një personazh i njohur i rrjetit Tik Tok me pseudonimin 'delluks."
Autoritetet kanë publikuar videon e momentit kur janë marrë 6 mijë eurot, të regjistruara nga kamerat e sigurisë, ndërsa shkruanin në njoftim:
Specialistët për Hetimin e Krimeve të Komisariatit të Policisë Nr. 6, në vijim të veprimeve hetimore për zbardhjen e një rasti të përfitimit të një shume parash, me anë të mashtrimit, kanë organizuar dhe finalizuar operacionin policor të koduar “Unknoën”, si rezultat i të cilit u arrestua shtetasi Ervis Belollari, 26 vjeç, si dhe u shpall në kërkim shtetasi Arsen Matollari, 32 vjeç.
Nga veprimet hetimore dyshohet se këta shtetas, në bashkëpunim me njëri-tjetrin, kanë përfituar 6000 euro nga një biznesmen, duke iu prezantuar atij si përfaqësues të drejtuesit të një institucioni vendor.
Vijon puna për kapjen e shtetasit A. M. dhe për dokumentimin e plotë të rastit.
Dy persona kanë arritur të përfitojnë 6 mijë euro nga një biznesmen duke iu prezantuar atij si përfaqësues të drejtuesit të një institucioni vendor. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
