Një aksident i rëndë ka ndodhur mbrëmjen e sotme në Elbasan, ku një automjet ka përplasur një këmbësor.
Raportohet se aksidenti ka ndodhur në fshatin Kyçuk të Njësisë Administrative Tregan.
I plagosur ka mbetur një 55-vjeçar, i cili është transportuar me urgjencë drejt Spitalit të Traumës pasi ndodhet në gjendje të rëndë shëndetësore.
Drejtuesi i automjetit është larguar nga vendngjarja, ndërsa policia po punon për identifikimin dhe ndalimin e tij.
