Zbulohet shkaku i dëmit në veshka nga mjekimet për tensionin e lartë të gjakut

Shkruar nga: B Shehu | Publikuar më: 04.02.2025, 18:05

Mjekimet që rekomandohen zakonisht nga doktorët për të trajtuar presionin e lartë të gjakut janë provuar se gradualisht shkatërrojnë aftësinë e veshkave për të filtruar gjakun por mënyra sesi kjo ndodhte ka qenë një mister.

Tashmë studiuesit e shkollës mjekësore të Virginia, SHBA thonë se kanë zgjidhur misterin.

Ata thonë se të gjitha mjekimet e tensionit të gjakut programojnë veshkat të bëjnë diçka tjetër në vend të punës së rëndësishme të filtrimit të gjakut.

Veshkat nisin të prodhojnë një hormon të quajtur renin, i cili rrit fundet e nervave dhe qelizat e enëve të gjakut në veshka. Kjo shkakton gërvishtje dhe inflamacion që ka pasoja të rënda për veshkat, thuhet në njoftimin e universitetit.

Studimi i publikuar në revistën mjekësore ‘Circulation Research’, thotë se kjo është një "sëmundje e heshtur por serioze" ku veshkat shndërrohen në “zombi” pasi heqin dorë nga detyra e tyre kritike.

Studiuesit thonë se tani një njohin shkakun, hapi i ardhshëm është të krijojnë mjekime efektive të tensionit të gjakut që nuk nxisin prodhimin e hormonit.

"Edhe mjekimet që konsiderohen më të sigurta mund të jenë dëmtuese për veshkat. Prandaj duhet të kuptojnë plotësisht efektet e tyre”, tha Dr. R. Ariel Gomez i institucionit të Virginia.

Mjekime të tilla përfshijnë ato që i jepen pacientit sapo ai diagnostikohet me tension të lartë gjaku, si enalapril, lisinopril, ramipril e të tjerë, për miliona njerëz në botë.

Tensioni lartë i gjakut mund të shkaktojë atak kardiak, ishemi dhe gjendje të tjera të rënda kardio-vaskulare.

Megjithse mjekimet konsiderohen “të sigurta” nga stabilimenti, studiuesit thonë se ato nuk janë pa rreziqe, pasi shkaktojnë dëme në veshka, në urinim apo enjtje të këmbëve ose kriza të tjera.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit