Shërbimi pediatrik në Shkodër po përballet me një situatë të rëndë, ku mungesa e shtretërve, pajisjeve dhe medikamenteve po e bën thuajse të pamundur ofrimin e një kujdesi mjekësor dinjitoz për fëmijët në nevojë.
Prindërit dhe qytetarët shprehen të revoltuar për gjendjen e mjerueshme të spitalit, duke denoncuar mungesën e kushteve elementare. “Fëmija im sot nuk ka një krevat ku të ulet, nuk ka një dhomë higjienike për të marrë shërbimin mjekësor,” shprehet një prind i indinjuar.
Në mes të kësaj situate alarmante, qytetarët drejtojnë akuza ndaj ish-ministrit të Shëndetësisë, Ilir Beqaj, duke e cilësuar atë përgjegjës për shpërdorimin e fondeve të destinuara për përmirësimin e infrastrukturës shëndetësore në Shkodër.
“Ai i vodhi fondet e spitalit, dhe sot fëmijët tanë po vuajnë pasojat. Drejtësia duhet të veprojë!” thekson një tjetër qytetar.
