Policia e Kosovës, përmes një komunikate për media, ka bërë thirrje për bashkëpunim nga qytetarët në identifikimin e vendodhjes së dy personave të dyshuar për vjedhje të rëndë.
Sektori i Hetimeve të Kryeqytetit, me autorizim nga prokuroria kompetente, kërkon informata që mund të ndihmojnë në lokalizimin e dy shtetasve të Shqipërisë.
Personat e dyshuar janë:
Ismail Dishuka (datëlindja: 25.10.1979) Emanuel Shkodra (datëlindja: 11.06.1999) Ata kërkohen për përfshirje në një vjedhje të rëndë dhe janë identifikuar nga policia.
Policia fton qytetarët që të ofrojnë çdo informacion që mund të çojë në identifikimin e vendodhjes së dy të dyshuarve.
Për çdo informacion, qytetarët mund të kontaktojnë policinë në numrin e telefonit 192 ose në adresën e emailit [email protected].
